Грамадазнаўства. 10—11 класы. Павышаны ўзровень. Прыкладнае каляндарна-тэматычнае планаванне. 2023/2024 навучальны год
Прыкладнае каляндарна-тэматычнае планаванне па грамадазнаўстве для 10—11 класаў распрацавана ў адпаведнасці з дзеючай вучэбнай праграмай па вучэбным прадмеце «Грамадазнаўства» для ўстаноў агульнай сярэдняй адукацыі, зацверджанай Міністэрствам адукацыі Рэспублікі Беларусь.
У дапаможніку пазначаны тэмы ўрокаў і пытанні для вывучэння; патрабаванні да падрыхтоўкі вучняў (сфармуляваны ў дзейнаснай форме як мэты — прадметныя вынікі вывучэння вучэбнага матэрыялу на ўроку); рэкамендаваныя метады, прыёмы, сродкі навучання; матэрыял, які падлягае вывучэнню, і дамашняе заданне. Пытанні і заданні з электроннага дадатку для павышанага ўзроўню пазначаны зорачкай (*).
Прадметныя вынікі засваення вучнямі 10—11 класаў зместу вучэбнага прадмета «Грамадазнаўства» на павышаным узроўні арыентаваны на забеспячэнне магчымасці далейшага паспяховага прафесійнага навучання, развіццё індывідуальных здольнасцей вучняў шляхам больш глыбокага асваення сістэматычных ведаў і спосабаў вучэбна-пазнавальнай дзейнасці.
