Злёт юных інспектараў дарожнага руху: хто лепшы?

З 15 па 18 верасня на базе Нацыянальнага дзіцячага адукацыйна-аздараўленчага цэнтра «Зубренок» прайшоў 48-ы злёт юных інспектараў дарожнага руху Мінскай вобласці. Дзяржаўтаінспекцыя і галоўнае ўпраўленне па адукацыі Мінаблвыканкама ўжо шмат гадоў запар арганізоўваюць гэта мерапрыемства, каб прывіваць школьнікам навыкі бяспечных паводзін на вуліцах і дарогах.

Больш за 200 дзяцей – 23 каманды-пераможцы раённых спаборніцтваў – дэманстравалі не толькі веданне правілаў дарожнага руху, але і творчыя здольнасці.

У індывідуальным конкурсе «Тэарэтычны экзамен на веданне ПДР» перамаглі:

• • Ермашэвіч Дзмітрый з Клецкага раёна і Бас Марыя з Салігорскага раёна (катэгорыя 10-12 гадоў),
• • Плаўсюк Данііл з Нясвіжскага раёна і Каробчанка Ірына са Смалявіцкага раёна (катэгорыя 13-15 гадоў).

Званне самых уважлівых удзельнікаў дарожнага руху прысудзілі:

• • Піліпаку Паўлу з Маладзечанскага раёна і Бураковай Арыне з Нясвіжскага раёна (катэгорыя 10-12 гадоў),
• • Кісялёву Міхаілу з Маладзечанскага раёна і Карняйчук Сняжане з Мінскага раёна (катэгорыя 13-15 гадоў).

Лепшае фігурнае ваджэнне веласіпеда прадэманстравалі:

• • Гляцэвіч Ягор і Люцько Дар'я з Барысаўскага раёна (катэгорыя 10-12 гадоў),
• • Мысліцкі Віталь і Хандрыка Ангеліна з Нясвіжскага раёна (катэгорыя 13-15 гадоў).

Самымі ўмелымі вадзіцелямі ровара ва ўмовах, аналагічных рэальнаму дарожнаму руху, сталі:

• • Бычкоўскі Міхаіл з Валожынскага раёна і Урбановіч Ганна з Маладзечанскага раёна (катэгорыя 10-12 гадоў),
• • Кудрыцкі Павел з Валожынскага раёна і Ластачкіна Васіліса з Капыльскага раёна (катэгорыя 13-15 гадоў).

Найбольш высокія вынікі па экзамене «Аказанне першай даўрачэбнай дапамогі» паказалі Шапялевіч Злата з Мінскага раёна, Шабуня Вікторыя з Вілейскага раёна, Петрычэнка Вікторыя з Валожынскага раёна і Мысліцкі Віталь з Нясвіжскага раёна.

Акрамя таго, дзеці ўдзельнічалі і ў камандных спаборніцтвах. Лепшая мастацкая работа ў конкурсе на стварэнне газеты атрымалася ў каманды Вілейскага раёна, 2-е месца прысудзілі камандзе Крупскага раёна, 3-е – камандзе Валожынскага раёна. Прыз глядацкіх сімпатый у гэтай намінацыі дастаўся школьнікам з Дзяржынскага раёна.

У конкурсе на лепшае прадстаўленне свайго атрада перамагла каманда з Салігорскага раёна, 2-е месца заняў Мінскі раён, а 3-е – Маладзечанскі.

У гэтым годзе ў праграме спаборніцтваў з'явіўся новы конкурс – на лепшы тэматычны тэлеграм-канал. На думку журы, самы цікавы канал стварылі дзеці з Барысаўскага раёна, 2-е месца – у Старадарожскага раёна, 3-е – у Чэрвеньскага.

Па выніках трох спаборніцкіх дзён 3-е прызавое месца заняла каманда Клецкага раёна. Юныя інспектары з Мінскага раёна – на 2-м месцы. А лепшай на 48-м абласным злёце стала каманда Нясвіжскага раёна.

Пераможцы спаборніцтваў атрымалі дыпломы, медалі і падарункі. Выдавецтва «Аверсэв» традыцыйна падтрымала лепшых знаўцаў правілаў дарожнага руху, уручыўшы ім камплекты вучэбна-метадычнай літаратуры.