Вывучаем асновы бяспекі жыццядзейнасці ў 2–5 класах
Рабочыя сшыткі па прадмеце «Асновы бяспекі жыццядзейнасці» дапамогуць вучням засвоіць і замацаваць веды па правілах бяспечных паводзін, а настаўнікам - эфектыўна арганізаваць працу на ўроку.
Рабочыя сшыткі ўзгаднены з ДАІ і МНС Рэспублікі Беларусь і цалкам адпавядаюць патрабаванням па навучанні асновам бяспекі жыццядзейнасці.
Заданні сшыткаў распрацаваны з улікам узроставых асаблівасцей вучняў і суправаджаюцца нагляднымі ілюстрацыямі. Для замацавання пройдзенага матэрыялу ў сшытках прадстаўлены пытанні для разважання, заданні для самаправеркі і адзначаны ключавыя словы па асновах бяспекі.
