Вынікі 14-й Алімпіяды па ПДР сярод школьнікаў Мінскай вобласці

29 сакавіка 2019 г. вучні Мінскай вобласці з 23 раёнаў сабраліся ў сярэдняй школе № 3 г.  Стоўбцы, каб паспрабаваць свае сілы ў веданні ПДР. Ад кожнага раёна была прадстаўлена каманда ў складзе трох чалавек: па адным вучню з 5, 6 і 7 класаў.

29 сакавіка 2019 года ў г. Стоўбцы адбылася 14-я Алімпіяда па правілах дарожнага руху, арганізаваная Галоўным упраўленнем па адукацыі Мінаблвыканкама сумесна з кіраваннем ДАІ УУС.

Вучні Мінскай вобласці з 23 раёнаў сабраліся ў сярэдняй школе № 3, каб паспрабаваць свае сілы ў веданні ПДР. Ад кожнага раёна была прадстаўлена каманда ў складзе трох чалавек: па адным вучню з 5, 6 і 7 класаў.

Алімпіяда складалася з некалькіх этапаў. На першым этапе кожны ўдзельнік індывідуальна рашаў білеты з 10 пытаннямі па Правілах дарожнага руху. Другі этап — каманднае рашэнне задачы «Дарожная сітуацыя». У абодвух конкурсах пераможцам лічылася каманда, якая набрала менш штрафных балаў і затраціла менш часу на рашэнне.

У асобнай намінацыі «Дзеці Мінскай вобласці — за дарогі без аварый!» вучні прадстаўлялі макет уласнай лістоўкі-звароту да грамадзян. У гэтым творчым конкурсе найлепшай была каманда з г. Жодзіна.

Для гасцей мерапрыемства былі арганізаваны выстаўкі творчых работ і малюнкаў школьнікаў, гульнявыя квэсты.

Па выніках спаборніцтваў на веданне ПДР у агульнакамандным заліку пераможцамі сталі: 1-е месца — Салігорскі раён, 2-е месца — Барысаўскі раён, 3-е месца — Нясвіжскі раён.

У асабістым заліку лепшымі былі прызнаны: пяцікласнік Арсеній Барткевіч і сямікласнік Данііл Сібірцаў з Барысаўскага раёна, шасцікласнік — Уладзіслаў Макоўскі з Салігорскага раёна.

У камандным рашэнні задач «Дарожная сітуацыя» пераможцай стала каманда Дзяржынскага раёна, другое месца заняла каманда Мядзельскага раёна, а трэцяе — каманда Салігорскага раёна.

Пераможцаў алімпіяды ўзнагародзілі дыпломамі і прызамі. Выдавецтва «Аверсэв» традыцыйна падтрымала ўсіх удзельнікаў, уручыўшы камплекты вучэбна-метадычнай літаратуры.

У наступным годзе юбілейная 15-я Алімпіяда па ПДР сярод школьнікаў Мінскай вобласці пройдзе ў Пухавіцкім раёне.

up