Гін Святлана Іванаўна

Настаўнік пачатковых класаў кваліфікацыйнай катэгорыі «настаўнік-метадыст», прафесар кафедры педагогікі і прыватных методык Гомельскага абласнога інстытута развіцця адукацыі. Выдатнік адукацыі Рэспублікі Беларусь, лаўрэат прэміі Спецыяльнага фонду Прэзідэнта Рэспублікі Беларусь па падтрымцы адораных навучэнцаў.

У 1989 годзе скончыла педагагічны інстытут з прысваеннем кваліфікацыі «настаўнік пачатковых класаў». З 1990 года — выкладчык курса па развіцці творчага ўяўлення малодшых школьнікаў. Настаўнік эксперыментальнага класа па выкарыстанні методыкі ТРВЗ у выкладанні агульнаадукацыйных прадметаў (1999–2005, 2005–2009), кіраўнік рэспубліканскага эксперыментальнага праекта і кансультант інавацыйнага праекта па псіхолага-педагагічным суправаджэнні навучання, выхавання і развіцця малодшых школьнікаў з высокім узроўнем вучэбнай матывацыі (2012–2020), кансультант рэспубліканскага інавацыйнага праекта па фарміраванні функцыянальнай пісьменнасці малодшых школьнікаў пры дапамозе аўтарскай тэхналогіі шматмернага чытання (2021–2024).

Правяла больш за 50 аўтарскіх семінараў для настаўнікаў пачатковых класаў розных рэгіёнаў Беларусі, Расіі, Украіны, Узбекістана. Мае звыш 80 публікацый у расійскіх і беларускіх перыядычных выданнях.

Аўтар праграмы факультатыўных заняткаў «Развіццё творчых здольнасцяў», «Матэматычная вясёлка» (зацверджаны Міністэрствам адукацыі), шматлікіх вучэбна-метадычных дапаможнікаў для настаўнікаў пачатковых класаў і навучэнцаў.

Аўтар адукацыйнага праекта «Якасная адукацыя — гэта фарміраванне крэатыўнасці малодшых школьнікаў», які перамог у рэспубліканскім конкурсе прафесійнага майстэрства «Настаўнік года — 2006», член журы міжнароднага конкурсу дзіцячых праектаў «Я — даследчык» (Масква, 2005), член рэспубліканскага клуба «Крыштальны журавель», вядучы супрацоўнік Міжнароднай лабараторыі «Адукацыя для Новай Эры».

Кандыдат педагагічных навук, дацэнт.