Шэлег Зоя Іванаўна

Нарадзілася 26 красавіка 1941 года ў г. п. Багушэўск Віцебскай вобласці.

Выпускніца біялагічнага факультэта Беларускага дзяржаўнага ўніверсітэта.

Настаўнік біялогіі ў сярэдняй агульнаадукацыйнай школе.

Сорасаўскі стыпендыят.

Мае 2 аўтарскія вынаходкі, каля 50 навуковых публікацый, сярод якіх 2 манаграфіі. Суаўтар вучэбных і вучэбна-метадычных дапаможнікаў па біялогіі.

З'яўлялася рэцэнзентам вучэбных дапаможнікаў па біялогіі.

Прымала актыўны ўдзел у арганізацыі вучэбна-вытворчага працэсу:

з'яўлялася суаўтарам вучэбнай праграмы па біялогіі для вучняў сярэдняй агульнаадукацыйнай школы ў 2002 годзе;
на працягу 5 гадоў з'яўлялася сябрам камісіі Рэспубліканскага цэнтра метадычнай кнігі;
па даручэнні Міністэрства адукацыі Рэспублікі Беларусь была ў складзе экспертнай камісіі па параўнальнай ацэнцы вучэбных выданняў па біялогіі ў 2004 годзе.

Працуючы на пасадзе дацэнта кафедры агульнай біялогіі Беларускага дзяржаўнага педагагічнага ўніверсітэта імя Максіма Танка, з'яўлялася кіраўніком педагагічнай практыкі студэнтаў.

Падрыхтавала шмат вучняў-паслядоўнікаў.

Школьнікі, падрыхтаваныя З. І. Шэлег, неаднаразова станавіліся пераможцамі алімпіяднага руху ўсіх узроўняў, дыпламантамі навукова-практычных канферэнцый і экалагічных тураў.

За шматгадовую педагагічную працу ў сістэме адукацыі ўзнагароджана ганаровымі граматамі Камітэта па адукацыі і справах моладзі Мінгарвыканкама, Міністэрства адукацыі Рэспублікі Беларусь, прэміяй мэра горада Мінска і інш.

Кандыдат біялагічных навук.