Нарадзілася 15 красавіка 1958 года ў Пухавіцкім раёне.

Скончыла Мінскі дзяржаўны педагагічны інстытут імя А. М. Горкага ў 1979 годзе па спецыяльнасці «Прыкладная лінгвістыка і замежныя мовы» з прысваеннем кваліфікацыі «настаўнік нямецкай і англійскай моў».

Працавала перакладчыкам нямецкай і англійскай моў у Чарнаморскім марскім параходстве, настаўнікам англійскай і нямецкай моў у сярэдняй школе, а таксама ў прыватнай пачатковай школе г. Мінска. З 1999 года працуе ў БДУ старшым выкладчыкам на кафедры англійскай мовы гуманітарных факультэтаў.

Скончыла міжнародныя і рэспубліканскія курсы павышэння кваліфікацыі (Брытанскага Савета, МДЛУ, РІВШ, БДУ, Акадэміі паслядыпломнай адукацыі і інш.). Была слухачом аўтарскіх курсаў: Дж. Мітчэла Хірда (Оксфард), Кевіна Маккоя (Вялікабрытанія), Р. В. Фаставец «Інтэнсіўны метад выкладання замежнай мовы» (МДЛУ), прафесара І. М. Румянцавай «Навучанне замежнай мове метадам інтаграцыйнага лінгва-псіхалагічнага трэнінгу» і інш.

Сфера прафесійных інтарэсаў: самастойная кіруемая праца студэнтаў як сродак удасканалення навучальнага працэсу; выкарыстанне камп'ютарных тэхналогій; прафесійна-арыентаванае навучанне замежным мовам; праектная методыка; артпедагогіка; інтэрактыўныя метады і методыка супрацоўніцтва.

З'яўляецца аўтарам 36 публікацый (з іх 20 у суаўтарстве): артыкулы ў навуковых часопісах, матэрыялы міжнародных навукова-практычных канферэнцый, вучэбныя дапаможнікі для студэнтаў юрыдычнага факультэта БДУ, электронны дапаможнік «English for law students», ВМК «Magic Box» для 1 і 2 класаў.