Камлюк Лілія Васільеўна

Камлюк Л. В.

Нарадзілася 2 лютага 1937 года ў г. Орша Віцебскай вобласці.

Скончыла сярэднюю школу з залатым медалём. У 1954 годзе паступіла на біялагічны факультэт Беларускага дзяржаўнага ўніверсітэта. На пятым курсе пачала працаваць у лабараторыі экалагічнай фізіялогіі Інстытута біялогіі АН БССР, якую ўзначальваў прафесар Г. Г. Вінберг — заснавальнік вядомай навуковай гідрабіялагічнай школы. Пасля заканчэння ўніверсітэта з адзнакай у 1959 годзе прадоўжыла працаваць у лабараторыі. З 1961 па 1963 гады вучылася ў аспірантуры. У 1963/64 навучальным годзе праходзіла навуковую стажыроўку ў Карлавым універсітэце (г. Прага, Чэхія).

У 1965 годзе абараніла кандыдацкую дысертацыю, у 1992 годзе — доктарскую. Мае навуковыя ступені кандыдата і доктара біялагічных навук, званні дацэнта (1981) і прафесара (1997).

З 1961 года працуе на біялагічным факультэце БДУ, у цяперашні час на пасадзе прафесара кафедры агульнай экалогіі і методыкі выкладання біялогіі. За шматгадовую і плённую навукова-педагагічную дзейнасць удастоена ганаровага звання заслужанага работніка Беларускага дзяржаўнага ўніверсітэта.

З'яўляецца аўтарам больш за 210 навуковых артыкулаў, 2 падручнікаў для студэнтаў біялагічных спецыяльнасцей ВНУ, сааўтарам 16 вучэбных дапаможнікаў па біялогіі для навучэнцаў сярэдніх агульнаадукацыйных школ Рэспублікі Беларусь і абітурыентаў.

кнігі аўтара
up