Адамовіч Вольга Ремовна

Нарадзілася 19 лістапада 1971 года ў г. Гомелі.

З 1987 па 1991 год вучылася ў Гомельскім педагагічным вучылішчы імя Л. С. Выгоцкага па спецыяльнасці «Пачатковая адукацыя».

З 1991 па 1994 год — у Мазырскім педагагічным інстытуце імя Н. К. Крупскай па той жа спецыяльнасці.

Працоўны стаж — 25 гадоў. У цяперашні час працуе настаўнікам пачатковых класаў у СШ № 60 г. Гомеля.

З'яўляецца суаўтарам публікацый у часопісе «Пачатковае навучанне» (з 2011 па 2015 год), а таксама суаўтарам дапаможнікаў па факультатыўным курсе «Матэматычная вясёлка» (Мінск, 2014, 2015).

Найбольш значныя прафесійныя і творчыя дасягненні:

• 1998–1999 гады — член гарадской творчай групы настаўнікаў пад кіраўніцтвам С. І. Гін па апрабацыі урокаў факультатыўнага курса «Развіццё творчых здольнасцей навучэнцаў».
• 2008–2009 гады — увайшла ў склад гарадской творчай групы пад кіраўніцтвам С. І. Гін, якая працавала па тэме «Арганізацыя даследчай дзейнасці ў пачатковых класах».
• 2009–2016 гады — член творчай групы пад кіраўніцтвам С. І. Гін па стварэнні ВМК для факультатыўнага курса «Матэматычная вясёлка».
• 1995, 2013 гады — пераможца конкурсу «Настаўнік года» ў СШ № 60 г. Гомеля.
• 2014 год — 2-е месца ў раённым конкурсе «Настаўнік года».

Настаўнік вышэйшай катэгорыі.